مجموعة بتناقشوا وينتا صح يوقفوا دخان، مجموعة بناقشوا مين أحسن- أم كلثوم ولا أسمهان (الست طبعًا duh)، ناس لحالها، ناس مع بعض وناس مع بعض لحالها. عوالم خارجية كثيرة بتنولد بكل لحظة. عوالم داخلية بتنهد وبتنبنى بهدوء. ع رواق.

يمكن محزن إنّه عشان نتخذ مسارنا الواضح في الحياة لازم، بالضرورة، نخسر أشياء. أشخاص. بس مين وعد إنّه الكبر والنضج بوجعش؟ النضج تخلي، والتخلي بوجع. بس التخفف منيح. منيح كثير.

صباح الخير…

 أمان بتستعمل كلمة "بيطرشق" لما بكون الحدث أو الشخص مش regulated. وفعليًا إلّي حاسة إنّي بعمله هو طرشقة لكل جهة. كل رشقة بتهدم اشي، وهاد الاشي بحد ذاته بطرشق... وبالاخر، حتى لو بعيد وكثير آخر... في شي رشقة رح ترتد وترجع عليّ.